LibAnswers: Cyfeirnodi

Dim ond Microsoft Word sydd â’r nodwedd EndNote Cite While You Write llawn sy’n fformatio cyfeiriadau wrth i chi weithio. Mae wrthi’n cael ei datblygu ar gyfer Open Office. Fodd bynnag, mae modd defnyddio EndNote gydag unrhyw brosesydd geiriau sy’n gallu cadw gwaith mewn fformat testun cyfoethog. Bydd angen i chi fformatio’ch cyfeiriadau pan fyddwch wedi gorffen eich dogfen. (Bydd Microsoft Works, Word Perfect, OpenOffice a StarOffice oll yn cadw gwaith mewn fformat testun cyfoethog). I ddefnyddio gyda thestun fformat cyfoethog:

• Crëwch ddogfen newydd yn eich prosesydd geiriau.
• Pan fydd angen i chi fewnosod dyfyniad, agorwch EndNote a dewiswch y cyfeiriad sydd ei angen arnoch. Gan aros yn EndNote, cliciwch ar Edit ac yna Copy.
• Ewch yn ôl i’ch prosesydd geiriau a defnyddiwch Edit ac yna Paste i fewnosod y cyfeiriad. Bydd yn ymddangos mewn ffurf dros dro gyda chromfachau cyrliog, e.e. {Johnson, 1993 #120}.
• Pan fyddwch wedi gorffen eich dogfen, cadwch hi mewn fformat testun cyfoethog ac yna caewch y ddogfen.
• Yn EndNote cliciwch ar Tools - Format paper - Format paper. Mewn fersiynau cynharach gallai fod fel a ganlyn Tools, RTF document scan, RTF document scan (eto).
• Chwiliwch am y ffeil y gwnaethoch ei chreu gyda’ch prosesydd geiriau a chliciwch ar Open.
• Dewiswch yr arddull allbwn yr ydych am ei ddefnyddio (er enghraifft, awdurdyddiad) a chliciwch ar Fformat.
• Yna gofynnir i chi enwi’ch dogfen wedi’i fformatio newydd – bydd y ddogfen gyda chromfachau cyrliog yn aros fel ffeil ar wahân.
• Cliciwch ar Save. Yna gallwch agor eich ffeil newydd gyda’ch prosesydd geiriau.